Թրամփը և Սի Ծինփինը փոխանակվել են երկիր այցելելու հրավերներով

ԱՄՆ նախագահ Դոնալդ Թրամփը հայտարարել է, որ Չինաստանի նախագահ Սի Ծինփինի հետ հեռախոսազրույցի ժամանակ ինքը հրավեր է ստացել այցելելու Չինաստան և փոխարենը հրավիրել է նրան այցելելու Վաշինգտոն։

«Մեր զրույցի ընթացքում նախագահ Սին բարեհամբույր կերպով հրավիրեց ինձ և առաջին տիկնոջը այցելելու Չինաստան, և ես պատասխանեցի դրան», - գրել է Թրամփը՝ Truth Social սոցիալական ցանցում։

Ըստ նրա՝ զրույցը տևել է մեկուկես ժամ և գրեթե ամբողջությամբ կենտրոնացել է առևտրային հարցերի վրա։ Առաջնորդները քննարկել են նոր առևտրային համաձայնագրի իրականացումը և համաձայնել են պատվիրակություններ ուղարկել բանակցությունները շարունակելու համար։ Ըստ Թրամփի՝ քննարկման ընթացքում Ռուսաստանի, Ուկրաինայի կամ Իրանի հարցեր չեն բարձրացվել։