Ճգնաժամ է աշխարհում` արժեքների խորը և համապարփակ ճգնաժամ․ քաղաքագետ

Քաղաքագետ Արա Պողոսյանն իր ֆեյսբուքյան էջում գրում է․

«Միշտ ասել եմ, Հայաստանում իսկական արևմտյան արժեքներ դավանողներ գրեթե չկան։

Արևմուտքը, ինչպես և արևելքը, ինչպես և մյուս քաղաքակրթության հետևորդ երկրները ո'չ թե քաղաքական կոնյուկտուրայի մեջ պետք է տեղավորեն իրենց արժեքային կիրառման տարածքը, այլև քաղաքական կոնյուկտուրան պետք է տեղավորեն իրենց դավանած արժեքների մեջ։

Նրանք, ովքեր այսօր խոսում են արեւմտյան քաղաքակրթությանը պատկանելու մասին, առնվազն սեփական վարքաբանությամբ պետք է ցույց տան, որ իրենց համար Ռուզվելտի բանաձևը չէ օրինակելի` «Может он сукин сын, но он наш сукин сын », այլ այն արժեքները, որոնք հանրահռչակվել են, և որոնք պետք է որ լինեն վարքագիծ, կենսափիլիսոփայություն։

Ճգնաժամ է աշխարհում` արժեքների խորը և համապարփակ ճգնաժամ։

Հ.Գ. Թեպետ ե՞րբ այդպես չի եղել...»։