ՏԵՍԱՆՅՈՒԹ․ Եթե իշխանությունը հունիսի 20-ին վերարտադրվի՝ Հայաստանը մտնելու է նոր, խորը ճգնաժամ․ Ի․ Սաղաթելյան

Մեր երկիրը վտանգի մեջ է․ կա ճգնաժամ տնտեսության մեջ, սահմաններին, քաղաքականության մեջ՝ ըստ Yerkir.am-ի ասաց  «Հայաստան» դաշինքի անդամ, ՀՅԴ Հայաստանի ԳՄ ներկայացուցիչ Իշխան Սաղաթելյանը Արարատում՝ ընտրողների հետ հանդիպմանը։

«Այս մարդիկ 3 տարի առաջ, խաբելով մեր ժողովրդին, եկան իշխանության, և անցնող 3 տարիներին քանդեցին ամեն ինչ, ինչ հնարավոր էր․ երկիրը բերեցին, հասցրին պատերազմի, պառակտեցին մեր հասարակությունը, ու ատելություն սերմանեցին մեր հասարակության մեջ, ունեցանք խայտառակ պարտություն, և փորձում են հունիսի 20-ին վերարտադրվել և մնալ իշխանության»,-ասաց նա։

Իշխան Սաղաթելյանն առաջարկեց նշել գոնե մեկ պատճառ, որի համար այս իշխանությունը պետք է մնա։

«Եթե գործող իշխանությունը հունիսի 20-ին վերարտադրվի՝ Հայաստանը մտնելու է նոր, խորը ճգնաժամի մեջ։ Արդյունքում մենք կորցնելու ենք մեր պետականությունը»,-ասաց Իշխան Սաղաթելյանը։

Մանրամասն՝ տեսանյութում․