Իրականացնելով հանցավոր արարք՝ երկրի բարձրագույն պաշտոնյայի մասնակցությամբ մի ողջ ավտոշարասյուն փախուստի էր դիմել. Մելոյան

«Պառլամենտարիզմի զարգացման միջազգային կենտրոն» ՀԿ ղեկավար Գոհար Մելոյանը գրում է․

«Այսօր, ժամը՝ 18:30-ին, ընկերներիս հետ լինելու եմ Պարոնյան-Լեո խաչմերուկին՝

• ի՛ հիշատակ Սոնա Սոնա Մնացականյանի եւ նրա չծնված բալիկի,
• ի՛ պահանջ արդարության վերականգնման,
• ի՛ կանխում մահաբեր շարասյան նոր զոհերի։
• 3 տարի առաջ՝ անթույլատրելի արագությամբ «Քաղաքացիական պայմանագիր» խմբակցության նիստին շտապող վարչապետի ավտոշարասյունը՝ սպանության ելքով վրաերթի ենթարկեց, թույլատրելի հատվածով փողոցն անցնող հղի կնոջը։

Արդյունքում՝

• ՉԿԱՆԳՆԵՑ տասնյակ մեքենաներից գեթ մեկը,
• ՉՑՈՒՑԱԲԵՐՎԵՑ օգնություն։

ՓԱՍՏԱՑԻ.

• իրականացնելով հանցավոր արարք՝ երկրի բարձրագույն պաշտոնյայի մասնակցությամբ մի ողջ ավտոշարասյուն փախուստի էր դիմել.
• «առեղծվածային» եղանակով անհետացել են գործով անկյունաքարային փաստ հանդիսացող՝ շարասյան ռադիոկապի ձայնագրությունները.
• այս ակնհայտ պարզ գործով ԴԵՌ չկա դատական ակտ։

Վարչապետի ավտոշարասյան տեղաշարժը, մինչ օրս՝ կազմակերպվում է ողջամտության ու ՃՏՊ կանոնների շրջանցմամբ՝ կաթվածահար անելով մարդկանց առօրյան եւ մի շարք դեպքերում մարդու հիմնարար իրավունքները, ինչպես բացարձակ կյանքի իրավունքը՝ Սոնա Մնացականյանի դեպքում»։