Իրանի ԱԳՆ-ն բացահայտել է ԱՄՆ-ի հետ բանակցություններում քննարկված հարցերը

Թեհրանը և Վաշինգտոնը շաբաթ օրը Մուսկատում կայացած բանակցությունների ընթացքում չեն քննարկել Իրանի միջուկային ծրագրից և Իսլամական Հանրապետության դեմ պատժամիջոցների վերացման հարցերից դուրս կետեր։ «ՌԻԱ նովոստի» -ի փոխանցմամբ, այդ մասին ասել է Իրանի ԱԳՆ խոսնակ Իսմայիլ Բաղային։

«Եթե մեր աշխատանքի հիմքում վերցնենք նամակագրությունը ԱՄՆ-ի հետ և գործընթացի սկիզբը, որը հանգեցրեց անուղղակի բանակցությունների Մուսկատում, ապա այս նամակագրության մեջ այլ բան չկար, քան միջուկային խնդիրը և պատժամիջոցների վերացումը։

Իրանի դիրքորոշումը պարզ է. սեղանին դրված միակ հարցը միջուկային հարցն է և պատժամիջոցների վերացումը, և մենք որևէ այլ թեմայով բանակցություններ չենք վարի ԱՄՆ-ի հետ... Սա այն է, ինչին մենք հավատարիմ ենք մնացել Մուսկատում»,- ասել է Բաղային, ըստ իրանական SNN պետական ​​լրատվական գործակալության։