ՀՀ և ԻԻՀ համատեղ զորավարժություն երկու երկրների սահմանային գոտում

Հայաստանի Հանրապետության և Իրանի Իսլամական Հանրապետության համատեղ զորավարժություն երկու երկրների սահմանային գոտում: Այս մասին հայտնում է իրանցի փորձագետ Փույա Հոսեյնին։

«Հայաստանի Հանրապետության և Իրանի Իսլամական Հանրապետության զինված ուժերի հատուկ ստորաբաժանումները 2025թ. ապրիլի 10-ից 11-ը, «Խաղաղության զորավարժություն» անվանումով համատեղ զորավարժություն կանցկացնեն երկու երկրների սահմանային գոտում։

Այս զորավարժությունը նախատեսված է սահմանների անվտանգության ամրապնդման, երկու երկրների զինված ուժերի՝ հնարավոր սպառնալիքներին դիմակայելու պատրաստվածության, կայուն խաղաղության պահպանման և պաշտպանական ու ռազմական համագործակցության բարձրացման նպատակով: Այն կիրականացվի միաժամանակ սահմանի երկու կողմերում՝ միասնական հրամանատարության ներքո։

Երկօրյա այս համատեղ զորավարժությունը ցույց է տալիս Հայաստանի Հանրապետության և Իրանի Իսլամական Հանրապետության հանձնառությունը՝ երկու երկրների միջև ռազմավարական հարաբերությունների ամրապնդման, տարածաշրջանում խաղաղության ապահովման ու անվտանգության հաստատման նկատմամբ»,- հրապարակած տեսանյութին կից գրել է նա։