Մեր պահանջն է, որ 25 համարի ավտոբուսը երթուղուց չհանեն․Պռոշյան համայնքի բնակիչները ճանապարհ են փակել

Քասախ և Պռոշյան համայնքների բնակիչները փակել են Աշտարակ տանող մայրուղին։ Պատճառն այն է, որ իշխանությունները թիվ 25 և 59 երթուղին սպասարկող ավտոբուսները հանում են, փոխարենը ավելի թանկ արժեքով ավտոբուսներ են աշխատելու, իսկ երթուղին կրճատվելու է, այս մասին հայտնում են բնակիչները։

Նրանց խոսքով՝ Պռոշյան համայնքից մինչև Ֆիզիկայի ինստիտուտ հասնելու համար պետք է վճարեն 200 դրամ։ «19։30-ից հետո էլ տրանսպորտ չի լինելու, ինչ ենք ստանում, որ տաքսիներով երթևեկենք։ Ուսանողները ոնց են տուն գալու»,- ասում են բնակիչները։

 Հիշեցնենք՝ որոշում է կայացվել՝ Կոտայքի մարզի միջմարզային և ներմարզային կանոնավոր փոխադրումների չվացուցակները և երթուղիների սխեմաները հաստատելու մասին, համաձայն որի Պռոշյան-Երևան ուղևորափոխադրումը պետք է իրականցնի «ՄուլտիՏրանսպորտ» ՍՊԸ-ին պատկանող թիվ 277 միկրոավտոբուսով: Երթուղու սկզբնակետը գյուղ Պռոշյանն է, վեջնակետը՝ Երևանի ֆիզիկայի ինստիտուտը։ Երթուղու երկարությունը 15 կմ է, տևողությունը 20 րոպե, ուղեվարձը՝ 250 դրամ, տրանսպորտային միջոցների քանակը՝ 6, աշխատանքային ժամերը՝ առավոտյան ժամը 07:00-ից մինչև 19:00-ն: «Այժմ Երևանի հետ կապը ապահովում է «Երևան Տրանսպորտ» ՓԲԸ-ին պատկանող թիվ 25 երթուղիով, ուղեգիծը՝ Պռոշյան-ԱվանԶեյթուն, շաբաթ օրը այս երթուղին դադարելու է գործել։