Ռյուտեն պնդում է, որ Միացյալ Նահանգները զորքերը դուրս չի բերի Եվրոպայից

ՆԱՏՕ-ի գլխավոր քարտուղար Մարկ Ռյուտեն կարծում է, որ Միացյալ Նահանգները կպահպանի ռազմական ներկայությունը Եվրոպայում, նույնիսկ եթե ուշադրությունը կենտրոնացնի հնդկախաղաղօվկիանոսյան տարածաշրջանի վրա: Դրա մասին նա հայտարարել է Ֆրանսպրես գործակալությանը տված հարցազրույցում։

Դոնալդ Թրամփը «չի խաթարել» Հյուսիսատլանտյան պայմանագրի 5-րդ հոդվածով նախատեսված հավաքական պաշտպանության երաշխիքը, շեշտել է ՆԱՏՕ-ի գլխավոր քարտուղարը։

« Միացյալ Նահանգների` ՆԱՏՕ-ից դուրս գալու կամ Եվրոպայից դուրս գալու հարցը օրակարգում չկա, Միացյալ Նահանգներն այստեղ է»,- ընդգծել է Ռյուտեն։

«Նրանք ավելի շատ կենտրոնացած կլինեն Ասիայի վրա, ուստի ժամանակի ընթացքում դա կարող է նշանակել, որ ստիպված կլինեն փոխել հավասարակշությունը: Բայց Եվրոպայում կա և կմնա Միացյալ Նահանգների միջուկային և սովորական ներկայությունը», - համոզված է նա:

Գլխավոր քարտուղարը հավելել է, որ եթե անգամ Եվրոպայում ամերիկյան ռազմական ներկայությունը նվազի, դա տեղի կունենա «առանց անակնկալների ոգով»։

ԱՄՆ նախագահի պաշտոնում իր երկրորդ ընտրվելուց առաջ և հետո Դոնալդ Թրամփը բազմիցս բողոքել է ՆԱՏՕ-ի դաշնակիցներից և նույնիսկ առաջարկել, որ ԱՄՆ-ը կարող է հրաժարվել նրանց պաշտպանելուց, եթե պաշտպանական ծախսերը բավարար չլինեն: