Փաշինյանին վռնդելու գնդակը ընդդիմության դաշտում է, մենք ենք մեղավոր լինելու, եթե նա նորից ընտրվի

ՔՊ-ն սգի մեջ է, դանակով խփես, արյուն չի գա, ամեն ինչ արեցին, որ Գյումրիում ու Փարաքարում հաղթեն, բայց մարդիկ մերժեցին իրենց, հիմա էլ պարտությունը ներկայացնում են շռնդալից հաջողություն, իբրև թե ժողովրդավար են, արդար ընտրություն են արել։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ԱԺ «Հայաստան» խմբակցության պատգամավոր Գառնիկ Դանիելյանը։  

«Գյումրին Փաշինյանի վերջի սկիզբն է լինելու, նրան հետո վռնդելու ենք Երևանից, ժողովուրդն այլևս իր հետ չէ։ Մարզպետները, չինովնիկները եկել էին Գյումրի, ցուցակներով մարդկանց էին բերման ենթարկում, բայց չհաղթեցին։ Հավաքական ընդդիմությունը կարող է վռնդել այս իշխանությանը, գնդակը ընդդիմության դաշտում է, արեցինք, հաջողություն կունենանք, չարեցինք, ամբողջ մեղավորությունը մերն է»,- հավելեց պատգամավորը։

Նյութն ամբողջությամբ՝ սկզբնաղբյուր կայքում: