Չեմ ուզում հավատալ, որ Մարտուն Գրիգորյանը եսասիրությունը կգերադասի պետական մտածողությունից․ Նաիրի Հոխիկյան

Հույս ունեմ, Մարտուն Գրիգորյանն այնքան խելամտություն և հեռատեսություն կունենա՝ հասկանալու, թե ինչ է սպասվում Գյումրիին։ Այս մասին գրում է լրագրող Նաիրի Հոխիկյանը։

«Ընտրություններում անցողիկ շեմը հաղթահարած 4 ընդդիմադիրներից 3-ը միավորվել են, մնացել է Մարտունը։ Ասում են՝ անցյալից մնացած ներքին խնդիրներ կան նրա և նախկին քաղաքապետ Վարդան Ղուկասյանի միջև, ժամանակին կոնֆլիկտներ, կիսելու բան են ունեցել։

Չեմ ուզում հավատալ, որ Մարտուն Գրիգորյանը եսասիրությունը կգերադասի պետական մտածողությունից։ Նրա բարձր վարկանիշը Գյումրիում այլ բանի մասին է խոսում։ Իսկ եթե ամեն դեպքում չմիանա ընդդիմադիր եռյակին, ապա․

1․ կեղծ են բոլոր խոսքերը Նիկոլի դեմ սկզբունքային պայքարի մասին

2․ կեղծ են բոլոր խոսքերը հայրենիքին նվիրումի մասին։

Գյումրին անչափ կարևոր քաղաք է Հայաստանում, և Գյումրիի զարգացումները ազդեցություն են ունենում ամբողջ երկրում։ Եթե Գյումրիում ընդդիմադիրները մի կողմ թողնեն իրենց անձնական հարցերը և միանան Նիկոլի դեմ, ապա նույնը շղթայական ռեակցիայով կլինի ամբողջ երկրում։

Կհասկանա՞ արդյոք դա Մարտուն Գրիգորյանը։ Եթե այո, ապա ի պատիվ նրա, սկիզբ կդրվի Նիկոլի ջախջախման, եթե ոչ, ապա Մարտուն Գրիգորյանը կդառնա հերթական Էդմոն Մարուքյան»։