Ռուբեն Վարդանյանի փաստաբանները բողոքել են դատարանի գործողությունների դեմ. իրավունքի խախտումը պարբերական բնույթ է կրում

Գերևարված Արցախի նախկին պետնախարար Ռուբեն Վարդանյանի նկատմամբ շինծու  քրեական գործով հաջորդ դատական նիստը  տեղի կունենա փետրվարի 13-ին։ Այդ մասին տեղեկանում ենք ադրբեջանական լրատվամիջոցներից։

Նույն աղբյուրներից տեղեկանում  ենք, որ պաշտպանական կողմի միջնորդությունները մերժվել են, եւ Ռուբեն Վարդանյանի փաստաբանը բացարկ է հայտնել դատարանին՝ արձանագրելով, որ դատարանի կազմը շահագրգռված է Ռուբեն Վարդանյանի նկատմամբ քրեական հետապնդման մեջ։ Բացարկը, ինչպես եւ սպասվում էր, մերժվել է։

Նշվում է, թե Ռուբեն Վարդանյանի փաստաբանը դիմել է դատարանին՝ խնդրելով պայմաններ ստեղծել իր պաշտպանյալի հետ կոնֆիդենցիալ հանդիպման համար, ինչի համար, իբր, պայմաններ ստեղծվել են։