Ալիեւը, Թրամփը եւ ադրբեջանական գազը

«Իսկապես, Ադրբեջանի դուրս գալը էներգետիկայի ոլորտում Իսրայելի հետ կոոպերացիոն փոխգործակցության փուլ լուրջ նշան է Մերձավոր Արեւելքում նրա արտաքին քաղաքականության մեջ նոր տարրերի ի հայտ գալու համար: Մյուս կողմից՝ Ադրբեջանը Եվրոպայում իր դիրքերն ամրապնդելու շանսեր է ստանում ոչ միայն բացառապես ԵՄ էներգետիկ անվտանգության ապահովման ոլորտում: Այս առումով SOCAR ը դառնում է երկրի արտաքին քաղաքականության գործիքներից մեկը: Պատահական չէ նաեւ այն, որ Ադրբեջանը Արեւելյան Միջերկրական ծով նետումը սկսել է իրականացնել ԱՄՆ-ում Դոնալդ Թրամփի վարչակազմի իշխանությն գալու պահին, Գազայի իրավիճակի պատճառով Իսրայելի տարածաշրջանային բարդ իրավիճակում եւ չնայած թուրք-իսրայելական հարաբերությւոններում առկա բարդություններին: Եվ եթե Թուրքիայի եւ Իսրայելի միջեւ հարաբերությունները զարգանում են սինուսոիդային գծով.կողմերը մեկ բուռն հայհոյում են, մեկ արագ հաշտվում, սիկ Էրդողանը, հրապարակավ անիծելով Իսրայելին եւ հեռանալով նրանից, ոչ պաշտոնապես պահպանում է նրա հետ համագործակցությունը, ապա Իրանում իրադարձությունների նման զարգացումը զգուշավոր է ընկալվում, թեեւ ադրբեջանա - իսրայելական հարաբերությունների հիմնական ասպեկտները նրա համար գաղտնիք չեն: Այնուամենայնիվ, Ալիեւի խնդիրն այժմ Իրանի հետ հավասարակշռված եւ չափազանց նուրբ դիվանագիտություն կառուցելու ունակության մեջ է, քանի որ Թրամփի օրոք նավթն ու գազը շարունակում են մնալ գլոբալ քաղաքականության առանցքային գործիքները», - նշում է Տարասովը:

Ի դեպ, շարունակում է քաղաքագետը, Ալիեւը դեռ ԱՄՆ նախագահական ընտրությունների փուլում, ելույթ ունենալով Շուշիի երկրորդ գլոբալ մեդիաֆորումում, ասում էր՝ Ադրբեջանի հարաբերությունները հանրապետակա վարչակազմերի հետ շատ ավելի հաջող եւ արդյունավետ էին: Բացի այդ, նրան միշտ հաջողվել է Վաշինգտոնում լավ մատուցել ադրբեջանա-իսրայելական հարաբերւթյունները, որոնք ավելի քան երեսուն տարվա պատմություն ունեն:

«Այնուամենայնիվ, Կասպյան նավթն ու գազն ԱՄՆ-ի համար այլեւս չեն խաղում այն որոշիչ աշխարհաքաղաքական դերը, ինչպիսին այն եղել է 1990-2000-ական թվականներին: Սակայն Բաքուն ձգտում է առավելագույնը քամել գործիքակազմի ամբողջ շարքից, որպեսզի Թրամփին հիշեցնի տարածաշրջանում իր նշանակության մասին», - եզրափակում է Տարասովը:

Աղբյուրը՝ iarex.ru-ի

Թարգմանությունը՝ Գայանե Մանուկյանի