կարևոր
736 դիտում, 2 ժամ առաջ - 2025-02-05 13:15
Իրավական

Ովքեր են այսօր Երևանի քաղաքապետարանից ձերբակալվածները․ մանրամասներ

Ովքեր են այսօր Երևանի քաղաքապետարանից ձերբակալվածները․ մանրամասներ

ArmLur.am-ի տեղեկություններով այսօր Երևանի քաղաքապետարանից ձերբակալվածների թվում է Երևանի Քաղաքաշինության և հողի վերահսկողության վարչության նախկին պետ Ռոբերտ Դարբինյանը։

ArmLur.am-ին հայտնի դարձավ, որ ձերբակալվել է նաև Երևանի քաղաքապետարանի աշխատակազմի քաղաքաշինության և հողի վերահսկողության վարչության տարածքային 2-րդ բաժնի պետ Միքայել Ղիմոյանը, ով նախկինում եղել է Կենտրոնի համատիրության նախկին նախագահ։

ArmLur.am-ի տեղեկություններով վերջինս աշխատել է նաև նախկին քաքաքապետ Հայկ Մարությանի ղեկավարման ընթացքում, և, ըստ ArmLur.am-ի տեղեկությունների, բացահայտումը, որի հիման վրա ձերբակալվել է Ղիմոյանը, կապված է այդ տարիներին նրա աշխատանքային գործունության հետ։

Ավելի վաղ հայտնի էր դարձել, որ քաղաքապետարանում քննչական գործողություններ են իրականացվում։

ArmLur.am-ի տեղեկություններով կա 7 ձերբակալված։ ArmLur.am-ի տեղեկություններով ձերբակալվածներից մեկը Երևանի Քաղաքաշինության և հողի վերահսկողության վարչության պետի տեղակալը՝ Արամ Այվազյանը ևս ձերբակալվածների մեջ է։

Ձերբակալել են նաև Հասարակական կարգի պահպանության ծառայության պետին՝ Արամ ԳՅՈՒԼԶԱԴՅԱՆԻՆ։ Հակակոռուպցիոն կոմիտեն ArmLur.am-ին հաստատեց տեղեկությունը՝ նշելով, որ քննության շահերից ելնելով այս պահին այլ մանրամասներ հայտնել չեն կարող։