Վստահեցնում եմ՝ Թրամփն իր համառությամբ բավականին արագ կարգուկանոն կհաստատի Եվրոպայում. Պուտին

Եվրոպացիներն ակտիվորեն պայքարել են Թրամփի դեմ, միջամտել են ԱՄՆ քաղաքական կյանքին և ընտրական գործընթացին, քանի որ նրանց «մենթալ առումով դուր էր գալիս» ԱՄՆ նախկին նախագահ Ջո Բայդենը։ՏԱՍՍ-ի հաղորդմամբ անդրադառնալով հարցին, թե ինչ սպասել Դոնալդ Թրամփի օրոք ԱՄՆ-ի և Եվրոպայի հարաբերություններից հարցին՝ ասել է ՌԴ նախագահ Վլադիմիր Պուտինը։

«Վստահեցնում եմ ձեզ, Թրամփն իր բնավորությամբ, իր համառությամբ բավականին արագ կարգուկանոն կվերականգնի այնտեղ, և բոլորը (եվրոպական էլիտաները), կտեսնեք, դա տեղի կունենա արագ, շուտով, նրանք բոլորը կկանգնեն տիրոջ ոտքերի մոտ և կթափահարեն իրենց պոչերը», - ասել է Պուտինը՝ ընդգծելով, որ Թրամփը սակայն այլ պատկերացումներ ունի այն մասին, թե ինչն է լավն ու վատը, այդ թվում՝ գենդերային քաղաքականության և որոշ այլ հարցերի վերաբերյալ։«Կարծես դա նրանց դուր չի գալիս»,- ասել է Պուտինը։