Մի գիշերվա ընթացքում խոցվել է 9 ուկրաինական ԱԹՍ. ՌԴ ՊՆ

Ռուսական ՀՕՊ-ի հերթապահ միջոցներն անցած գիշեր ՌԴ-ի շրջանների երկնքում 9 ուկրաինական անօդաչու թռչող սարք են խոցել։ Սև ծովում ոչնչացրել են անէկիպաժային մոտորանավակ, որը շարժվում էր դեպի Ղրիմ։ Այս մասին հայտնել Է Ռուսաստանի պաշտպանական գերատեսչությունը։

«Անցած գիշերվա ընթացքում ՀՕՊ-ի հերթապահ միջոցների կողմից որսացել և ոչնչացվել է 9 ուկրաինական անօդաչու թռչող սարք. յոթ ԱԹՍ՝ Բրյանսկի մարզի տարածքում և մեկական ԱԹՍ՝ Բելգորոդի և Սարատովի մարզերի տարածքներում: Սևծովյան նավատորմի հերթապահ կրակային միջոցներով Սև ծովի ջրային տարածքի հյուսիս-արևմտյան մասում ոչնչացվել է Ղրիմի թերակղզու ուղղությամբ ուղևորվող մեկ անէկիպաժային մոտորանավակ», - ասվում է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։