ՀՕՊ-ը գիշերվա ընթացքում 4 ուկրաինական ԱԹՍ է խոցել ՌԴ երկու շրջանների վրա․ ՌԴ ՊՆ

Հակաօդային պաշտպանության հերթապահ միջոցները մեկ գիշերվա ընթացքում Ռոստովի և Վորոնեժի մարզերում ոչնչացրել են ուկրաինական չորս անօդաչու թռչող սարք: Այս մասին հայտնում է Ռուսաստանի պաշտպանական գերատեսչությունը։

«Անցած գիշերվա ընթացքում հակաօդային պաշտպանության հերթապահ միջոցներով ոչնչացվել է ուկրաինական չորս անօդաչու թռչող սարք։ Երեք ԱԹՍ խոցվել է Ռոստովի մարզի տարածքում, մեկը՝ Վորոնեժի», - ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։