ՀՕՊ ուժերը մեկ գիշերվա ընթացքում խոցել են 49 ուկրաինական ԱԹՍ․ ՌԴ ՊՆ

Ռուսական ՀՕՊ-ի հերթապահ միջոցներն անցած գիշերվա ընթացքում երկրի 7 մարզերի օդային տարածքներում ոչնչացրել են 49 ուկրաինական անօդաչու թռչող սարք, հայտնում է ՌԴ ՊՆ-ն։

«Անցած գիշեր ՀՕՊ-ի հերթապահ միջոցների կողմից ոչնչացվել է 49 ուկրաինական անօդաչու թռչող սարք, այդ թվում 25-ը՝ Ռոստովի, 8-ը՝ Վոլգոգրադի, 6-ը՝ Կուրսկի, 4-ը՝ Յարոսլավլի և 2-ական՝ Բելգորոդի, Վորոնեժի մարզերի և Կրասնոդարի երկրամասի օդային տարածքներում», - ասված է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։