Տավուշում 32 դպրոցների շենքեր կարիք ունեն հրատապ նորոգման

Տավուշի մարզից լրագրող Ոսկան Սարգսյանը գրում է․

«Տավուշում 32 դպրոցների շենքեր կարիք ունեն հրատապ նորոգման

Տավուշի մարզպետարանի տվյալներով՝ մարզի հանրակրթական 76 դպրոցներից 10-ի շենքերը կարիք ունեն հիմնանորգման, 22-ը վերանորոգման կամ մասնակի նորոգման։ Տավուշի մարզպետարանից հայտնել են, որ 2025 թվականին նախատեսվում է վերանորոգել  Տավուշի մարզի 5 դպրոց (Սարիգյուղ, Ջուջևան, Թեղուտ, Տավուշ, Կայանավան):

Եթե նկատի ունենանք, որ պետական ծրագրերը նախատեսված թվից  պակաս են իրականացվում, իրականացվողներն էլ  նախատեսված ժամկետի խախտմամբ  տարիներով ձգձգվում են, Տավուշի մարզի հանրակրթական դպրոցների շենքերի վիճակն այս տարի էապես չի բարելավվելու։

Տավուշցի  աշակերտները  շարունակելու են սովորել  չնորոգված,գունաթափված պատերով,մաշված հատակով, վատ վիճակում գտնվող դասասենյակներում»։