Ռուբեն Վարդանյանի որդին շնորհակալություն է հայտնել Պուտինին աջակցության համար

Բռնազավթված Արցախի նախկին նախարար Ռուբեն Վարդանյանի որդին՝ Դավիթը, շնորհակալություն է հայտնել Ռուսաստանի նախագահ Վլադիմիր Պուտինին՝ Ադրբեջանում նրան ձերբակալելուց հետո հրապարակային աջակցության համար: Այս մասին նա հայտարարել է RTVI-ին տված հարցազրույցում։

Պուտինը մինչ այդ հույս էր հայտնել, որ Ադրբեջանը մարդասիրաբար է վերաբերվում ԼՂՀ նախկին իշխանություններին։ «Անսահման շնորհակալ ենք նման խոսքերի համար և հույս ունենք, որ ականջալուր կլինեն դրանց», — հայտարարել է Դավիթ Վարդանյանը:

Նա նաև հաստատել է, որ իր հոր դեմ Ադրբեջանում 20 հոդվածով 45 քրեական գործ է հարուցվել: Դրանց թվում են ահաբեկչության ֆինանսավորումը, զինված կազմավորումների ստեղծումը և սահմանի ապօրինի հատումը։