Այս իշխանություններն Արցախը հանձնելու սցենարը տարիներով են պլանավորել. Հակոբյան

30 ու ավելի տարի անց հայտնվեցին իբրև թե հայի գենը կրող անձիք, որոնք որոշեցին՝ հային նյութն է պետք, և ոչ թե արժանապատվությունը. Արցախի ներկայացուցչությունում տեղի ունեցած փակ նիստից հետո այս մասին հայտարարեց Արցախի Ազգային ժողովի «Արդարություն» խմբակցության պատգամավոր Մետաքսե Հակոբյանը։ Նրա խոսքով՝ իր նշած մարդիկ (նկատի ունի Փաշինյանն ու իր թիմակիցները,-խմբ.) երևի թե չեն հասկացել՝ եթե հրաժարվում ես արժանապատվությունից, ապա  ընտրում ես ստորանալը:

«Կարծում եմ՝ մենք վաղուց այլևս մեղավորներին չենք փնտրում, քանզի հենց այդ մեղավորներն իրենց ամենօրյա գործունեությամբ ապացուցում են իրենց մեղավոր լինելը»,-ասաց Հակոբյանը: 

Արցախի Ազգային ժողովի պատգամավորի խորը համոզմամբ՝ այն, ինչ տեղի ունեցավ, դա տարիների պլանավորված գործողություններ էին:

Մանրամասն՝ տեսանյութում։