Կրեմլում տեղյակ են «Թուրքական հոսք» գազատարը պայթեցնելու Ուկրաինայի փորձերից. Պեսկով

Կրեմլում տեղյակ են «Թուրքական հոսքը» պայթեցնելու Կիևի փորձերից, Ռուսաստանի նախագահ Վլադիմիր Պուտինը խոսել է դրանց մասին: Ըստ ТАСС-ի՝ նման կերպ է արձագանքել ՌԴ նախագահի մամուլի քարտուղար Դմիտրի Պեսկովը՝ պատասխանելով ՝ Կիևի՝ գազատարը պայթեցնելու փորձերի վերաբերյալ Der Spiegel-ի հետաքննությանը: Ըստ պարբերականի աղբյուրների, դրա հետևում կանգնած է Ուկրաինայի Զինված ուժերի նախկին գլխավոր հրամանատար Վալերի Զալուժնին։

«Այո: Հենց դրա մասին է արդեն խոսել է Պուտինը»,-նշել է Պեսկովը՝ պատասխանելով խնդրանքին՝ պարզաբանել, թե արդյոք Der Spiegel-ը նկարագրում է հենց «Թուրքական հոսքի» վրա հարձակվելու փորձերը, որոնց մասին ավելի վաղ հայտնել էր ՌԴ նախագահը։

Ըստ հանդեսի՝ Զալուժնին, իմանալով «Հյուսիսային հոսքեր»-ը խափանելու դիվերսանտների ծրագրերի մասին, իբր այնքան է ուրախացել նրանց մտադրություններով, որ «նույնիսկ ցանկացել է ընդլայնել» գործողությունը։

Նա, ըստ Der Spiegel-ի աղբյուրների, առաջարկել է պայթեցնել Սև ծովով անցնող գազատարը։ Արդյունքում մի խումբ դիվերսանտներ սկսել են պլանավորել երկու գործողությունները միաժամանակ։ Սակայն «Թուրքական հոսքի» վրա հարձակումը «ավելի ուշ կձախողվի», գրում է Der Spiegel-ը՝ մանրամասներ չհայտնելով։

Պուտինը ավելի վաց բազմիցս ուղղակիորեն մատնանշել է «Թուրքական հոսքը» պայթեցնելու Կիևի փորձերը։