Ռուսաստանն ու Հնդկաստանը զարգացնում են հարաբերությունները բոլոր ոլորտներում․ Պեսկով

Ռուսաստանն ու Հնդկաստանը զարգացնում են հարաբերությունները բոլոր հնարավոր ոլորտներում, առևտրային կապերը ծաղկում են: Այս մասին ասել է ՌԴ նախագահի մամուլի քարտուղար Դմիտրի Պեսկովը։

«Մենք հիմա զարգացնում ենք մեր հարաբերությունները բոլոր հնարավոր ոլորտներում, ես մի փոքր ուսումնասիրություն արեցի, փաստորեն, առևտրի ծավալը, առևտրատնտեսական համագործակցության ծավալն իսկապես պայթյունավտանգ աճ է գրանցել։ 2022 թվականին մենք ունեինք 35,3 միլիարդ դոլար, ինչը բավականին համեստ թիվ է։ Բայց հետո կտրուկ աճը հաջորդեց՝ 2023 թվականին այն արդեն 56,7 էր՝ գրեթե 56,8 միլիարդ դոլար։ Իսկ 2024 թվականի առաջին կիսամյակում՝ արդեն ավելի քան 30 մլրդ.։ Այնպես որ, կարծում եմ, որ այս տարի մենք կհատենք մեր առևտրի ծավալի 60 միլիարդ դոլարի սահմանագիծը», - ասել է Պեսկովը։ Նա հավելել է, որ Ռուսաստանը Հնդկաստանին մատակարարում է ոչ միայն էներգետիկ ռեսուրսներ, այլեւ համագործակցում է բարձր տեխնոլոգիական ոլորտներում։