Կանադան Ուկրաինային 290 մլն դոլարի վարկ կտրամադրի

Կանադայի կառավարությունը Ուկրաինային կտրամադրի 290,5 միլիոն դոլարի լրացուցիչ վարկ՝ երկրի պետբյուջեի առաջնահերթ ծախսերն ապահովելու համար, ուրբաթ հայտնել են Ուկրաինայի կառավարությունում:

Հաղորդագրությունից հետևում է, որ ֆինանսավորումն ուղղվելու է Ուկրաինայի պետական բյուջեի առաջնահերթ ծախսերի ապահովմանը: Ընդհանուր առմամբ, Կանադայից ուղիղ բյուջետային աջակցությունը 2022 թվականի փետրվարից կազմում է ավելի քան 5 միլիարդ դոլար, ճշտել են կառավարությունում։

Ըստ Ուկրաինայի ֆինանսների նախարարության, լրացուցիչ վարկը տրամադրվում է 10 տարի ժամկետով, տոկոսադրույքը կազմում է տարեկան 1,5%, արտոնյալ ժամանակահատվածը' միջոցների ստացման օրվանից 4,5 տարի: