Կանադան զենք կուղարկի Ուկրաինա և կտրամադրի 500 մլն դոլար

Կանադայում որոշում է կայացվել Կիևին 6,1 մլն դոլարի զենք մատակարարել և 500 մլն դոլարի ֆինանսական օգնություն տրամադրել՝ հաշվի առնելով Ուկրաինայի շուրջ իրավիճակի սրումը։ Այս մասին հայտարարել է Կանադայի վարչապետ Ջասթին Թրյուդոն:

«Հետևելով ուկրաինացի գործընկերների հետ բանակցությունների արդյունքներին և հաշվի առնելով իրավիճակի սրումը՝ ես հավանություն եմ տվել Ուկրաինային 7,8 միլիոն դոլարի (կանադական, 6,1 միլիոն դոլար - խմբ.) մահաբեր զենք և զինամթերք հատկացնելուն»,- ասել է կանադացի վարչապետը լրագրողների հետ հանդիպման ժամանակ:

Թրյուդոն ընդգծել է, որ «կանադացիների և ամբողջ աշխարհի համար կարևոր է իմանալ, որ Կանադան կշարունակի աջակցել Ուկրաինային, նրա անկախությանը, ամբողջականությանը, ինքնիշխանությանը և ինքնապաշտպանության իրավունքին»։