Հայ դատի օրակարգում առաջնայինը՝ արցախցիների վերադարձի, Արցախի կարգավիճակի և Արցախի ռազմաքաղաքական գերիների ազատության հարցերն են․ Հակոբ Տեր-Խաչատուրյան

«Եռաբլուր» պանթեոնում այսօր լրագրողները ՀՅԴ Բյուրոյի ներկայացուցիչ Հակոբ-Տեր Խաչատուրյանից հետաքրքրվեցին, թե արդյո՞ք ՀՀ իշխանությունների հակահայ քաղաքականությունը չի դժվարացնում դրսում Հայ դատի գրասենյակների, ՀՅԴ կառույցների գործունեությունն ու աշխատանքները, որոնք միտված են Հայաստանի ու հայ ժողովրդի շահերի պաշտպանությանը։ Ի պատասխան՝ նշեց․  «Մեր բարեկամ երկրների մեջ, երբ աշխատանք ես տանում և դնում ես հայկական պահանջներ, ասում են՝ ձեր իշխանությունները նման պահանջ չեն դնում, օրինակ մեր համար առաջնահերթություն է այսօր Հայ դատի օրակարգում ունենալ Արցախի կարգավիճակի, արցախցիների վերադարձի, Բաքվի բանտերից Արցախի ռազմաքաղաքական ղեկավարության ազատագրման խնդիրները, սրանք չլուծված հարցեր են, բայց անընդունելին այն է, որ Հայաստանը մնում է լուռ  և այդ լռությունը մեր մոտ շփոթմունք է առաջացնում։ Մեր պահանջն այն է, որ մենք, որպես համայնք, առաջնային խնդրի լուծումը տանք Արցախին վերաբերվող բոլոր կետերին»։

Մանրամասն՝ տեսանյութում։