ՌԴ-ին իր սխալների մեջ մեղադրելու ևս մեկ փորձ. Զախարովան ՝ ՀՀ ԱԳՆ հայտարարության մասին

ՌԴ ԱԳՆ պաշտոնական ներկայացուցիչ Մարիա Զախարովան ՀՀ ԱԳՆ մամուլի քարտուղարի հայտարարությունն անվանել է Ռուսաստանին սեփական սխալների համար մեղադրելու հերթական փորձ։ 

Ավելի վաղ Երևանում կտրուկ արձագանքել էին ՌԴ ԱԳ նախարար Սերգեյ Լավրովի խոսքերին ՝ կապված տարածաշրջանում հաղորդակցությունների ապաշրջափակման վերաբերյալ Երևանի կողմից առկա պայմանավորվածությունների սաբոտաժի հետ: 

«Սա պաշտոնական Երևանի հերթական օրինակն է՝ սեփական սխալների և ռազմավարական սխալ հաշվարկների համար մեղադրելու ուրիշներին, տվյալ դեպքում Ռուսաստանին», - ասել է Զախարովան։

«Այսպես, հայկական կողմի խնդրանքով որոշվեց երկաթուղային հաղորդակցության գործարկումը չկապել ավտոմոբիլային հաղորդակցության հետ։ 2023թ. հունիսին Մոսկվայում կայացած վերջին հանդիպման ժամանակ հաստատվել են իրենց տարածքով անցնող երթուղիների նկատմամբ կողմերի ինքնիշխանության և իրավասության սկզբունքները, ինչը պնդում էր հենց Երևանը։ Հուսով եմ, որ նրանք, ովքեր հրապարակել են նշված մեկնաբանությունը, բավական ժամանակ կունենան դա էլ մեկնաբանելու համար»,- ասել է ռուս դիվանագետը։

Ինչպես նշել է Զախարովան, լուծվել են ապրանքների միջազգային տարանցման և դրանց մաքսային հսկողության հարցերը։ Սակայն երկաթուղային ծառայության մեկնարկի շուրջ վերջնական պայմանավորվածություններ հնարավոր չեղավ ձեռք բերել հենց սահմանային հսկողության հարցերում հայկական կողմի անզիջողականության պատճառով։