ՔՊ-ական պատգամավորը սրտնեղեց իրենց թուրք-ադրբեջանական շահերի սպասարկման մեջ մեղադրելու համար

Արդեն նշել էինք, որ ՔՊ-ն ձեռնպահ քվեարկեց «Հայաստան» խմբակցության հեղինակած հայտարարության նախագծին Շուշիի հռչակագրի վերաբերյալ:

ՔՊ-ական պատգամավոր Էդուարդ Աղաջանյանը նշեց, որ ԱԳՆ-ն արդեն անդրադարձել է դրան, և իրենք այդ պատճառով են մերժում:

«Մեր իշխանության արտաքին գործերի նախարարությունը երկու անգամ արձագանքել է Շուշիի հռչակագրին, և ՀՀ իշխանության որոշումն է այս կամ այն պահին, կախված տարբեր հանգամանքներից, անել հայտարարությւններ: Սա մեկնաբանել որպես կողմ լինել այդ հռչակագրին, մանիպուլյացիա է: Երբ խոսում եք թուրք-ադրբեջանական շահերի սպասարկմանը, ապա խորհրդարանական դիվանագիտությունը միայն հայտարարություններով չի սահմանափակվում, թող ձեր խմբակցությունը ավելի ակտիվ ներգրավվի միջազգային հարթակների աշխատանքներին»,- ասաց նա: