Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
«Ժողովուրդ» օրաթերթը գրում է. «Խորհրդարանը երեկ արտահերթ նիստով ավարտեց գարնանային նստաշրջանը. իսկ աշնանային նստաշրջանը կմեկնարկի սեպտեմբերի 9-ից:
ՔՊ-ից մեզ հայտնեցին, որ մինչեւ սեպտեմբեր արտահերթ նիստեր չեն լինի, ուստի կարող են հանգիստ խղճով արձակուրդի մեկնել:
Ի դեպ, ՔՊ-ական պատգամավոր Գուրգեն Արսենյանի համար սա ԱԺ վերջին նստաշրջանն էր. վերջինս հրաժեշտ կտա պատգամավորական մանդատին։
Գուրգեն Արսենյանը ՌԴ-ում ՀՀ դեսպան է նշանակվելու. նրա ագրեմանը ռուսական կողմը դեռ մայիսին էր հաստատել: Հիմա, կարելի է ասել, գնդակը Հայաստանի դաշտում է:
«Դիվանագիտական ծառայության մասին» ՀՀ օրենքի համաձայն՝ դեսպանին նշանակում և հետ է կանչում հանրապետության նախագահը՝ վարչապետի առաջարկությամբ:
Ինչպես մեզ փոխանցեցին, արդեն սեպտեմբերին պաշտոնապես կլինի Գուրգեն Արսենյանի՝ ՌԴ-ում Հայաստանի դեսպանի նշանակման հրամանը:
Ի դեպ, օրենքի պահանջով` Գուրգեն Արսենյանը, պետք է մանդատը վայր դնելուց զատ, նաեւ դադարեցնի անդամակցությունը իր հիմնադրած «Միավորված աշխատանքային կուսակցություն»-ում»: