Գրեթե համոզված եմ՝ Երևանի քաղաքապետարանն ապրում է իր պատմության ամենակոռումպացված ժամանակաշրջանը. փաստաբան

Չեմ կարող ասել, թե Արաբկիր վարչական շրջանի ղեկավարի ձերբակալումը որքանով է հիմնավորված, սակայն մի բանում գրեթե համոզված եմ. Երևանի քաղաքապետարանը՝ ենթակա կառույցներով, ապրում է իր պատմության ամենակոռումպացված ժամանակաշրջանը։ Այս մասին իր էջում գրել է Երևանի նախկին դատախազ, փաստաբան Րաֆֆի Ասլանյանը, ով նաեւ հրապարակել է թաղապետերից մեկի՝ իրեն ուղղված պատասխանը:

Նա, մասնավորապես, նշել է. «Հատկապես մեծ կոռուպցիոն կախում ունեն կառուցապատողներից, որը վկայող օրինակներից մեկը հանդիսանում է մինչև օրս շինհրապարակներում ապօրինի տեղադրված, քաղաքացիների կյանքի ու առողջության համար վտանգավորության ամենաբարձր աստիճանն ունեցող արտադրական օբյեկտների՝ բետոնհանգույցների աշխատանքը։

Տեսե’ք, թե ամիսներ առաջ ինչ է պատասխանել այդ կապակցությամբ թաղապետերից մեկը»։