Թուրքիան՝ ամենակոռումպացված երկրների ցուցակում

«Թրանսփարենսի ինտերնեյշնլ» միջազգային կազմակերպությունը ներկայացրել է երկրների ցուցակը՝ ըստ «տվյալ երկրում կոռուպցիայի ընկալման» ցուցանիշի:

Թուրքիան հայտնվել է աշխարհի ամենակոռումպացված երկրների ցանկում: CNNturk-ն այդ մասին հայտնել է, որ «իսկապես զարմանալի է, որ Թուրքիան, որ նախորդ տարիներին եղել է «ամենամաքուր երկրների» ցանկում, այժմ կտրուկ անկում է ապրել՝ մտնելով ամենակոռուպցիոն երկրների ցուցակը»: Ըստ լրատվամիջոցի` դա լուրջ ազդանշան է, եւ Թուրքիան «ավելի վատ վիճակում է», քան աֆրիկյան և եվրոպական մի շարք երկրներ: Ի դեպ, Դանիան կոռուպցիայի ցուցանիշով ճանաչվել է լավագույն երկիրը: Դանիային հաջորդել են Գերմանիան, Անգլիան և ԱՄՆ-ը:

Նշենք, որ Թուրքիայում նախորդ տարվա դեկտեմբերի 17-ին ոստիկանության իրականացրած «կոռուպցիա և կաշառակերություն» գործողության արդյունքում ձերբակալվեցին մեծ թվով նախարարներ, գործարարներ և բարձրաստիճան պաշտոնյաներ: Կաշառակերների ցուցակում էին նաև Թուրքիայի այդ ժամանակվա վարչապետ Ռեջեփ Թայիփ Էրդողանի և նրա որդիների անունները: