Հայաստանի բասկետբոլի հավաքականը հաղթեց Գվատեմալայի թիմին

Լոս Անջելեսում ուսումնամարզական հավաք անցկացնող Հայաստանի բասկետբոլի ազգային հավաքականը միջազգային մրցաշարի շրջանակում ուժերը չափեց ՖԻԲԱ-ի վարկանիշային աղյուսակում 147-րդ հորիզոնականը զբաղեցնող Գվատեմալայի հետ:

Հայաստանի բասկետբոլի ֆեդերացիայից տեղեկանում ենք, որ կայացած խաղում Հայաստանի հավաքականը հաղթանակ տարավ 89:57 հաշվով:

Հանդիպման ամենաարդյունավետ խաղացող է ճանաչվել Անդրե Սպայթ Մկրտչյանը: Նա վաստակել է 21 միավոր, 7 անգամ տիրել է օղակից անդրադարձող գնդակին և կատարել 4 արդյունավետ փոխանցում:

Հայաստանի հաջորդ խաղը կկայանա հունիսի 23-ին՝ Crescenta Valley High School-ում։ Հանդիպումը կմեկնարկի տեղի ժամանակով ժամը 17:00-ին (Երևանի ժամանակով առավոտյան ժամը 4։00-ին): Հայաստանի հավաքականը կխաղա Իռլանդիայի թիմի դեմ: