կարևոր
2647 դիտում, 1 ամիս առաջ - 2024-05-14 23:33
Հասարակություն

Կիրանցի բնակիչներն անհանգիստ են՝ չափագրողներ են գալու գյուղ

Կիրանցի բնակիչներն անհանգիստ են՝ չափագրողներ են գալու գյուղ

Նախանշված վերջնաժամկետին մնացել է մեկ օր. Տավուշի մարզի Կիրանց գյուղի բնակիչներն անհանգստությամբ սպասում են մայիսի 15-ին։

«Նախօրոք մեզ ասվել էր, որ վերջնաժամկետը մայիսի 15-ն է»,- «Փաստինֆո»- ի հետ զրույցում ասել է Կիրանցի բնակչուհի Գոհարը՝ նշելով, որ նախնական հանդիպումներում ասվել էր, որ մինչ մայիսի 15-ը պետք է ավարտեն ականզերծման աշխատանքներն ու սյուների տեղադրումը։

«Եկան, հասան այն հատվածին, որտեղ դեռևս վիճահարույց ու նյարդայնացնող հարցեր կան ու կանգ առան, բայց դեռ չեն եկել»,- ասել է Կիրանցի բնակչուհին՝ հավելելով, որ   սպասում են՝ չափագրողները կգան ու կսկսեն չափել իրենց համագյուղացի Մհեր Սիմոնյանի տան հատվածը, որն, ըստ նախնական տեղեկության, պետք է անցնի Ադրբեջանի հսկողության տակ։

«Գյուղացիները անհանգիստ են»,- ասել է լրատվամիջոցի զրուցակիցը։  

Հիշեցնենք, որ Կիրանցում ընդհատվել են սահմանագծման աշխատանքները՝ առանց որեւէ պաշտոնական պարզաբանման, թեև Ոսկեպարի, Բերքաբերի, Բաղանիսի, Կիրանցի հատվածներում կատարվել են հիմնական ականազերծման աշխատանքները։

Աղբյուր` Փաստինֆո