03 05 2024
|
||
---|---|---|
EUR | ⚊ | 414.92 |
GBP | ⚊ | 485.04 |
GEL | ⚊ | 144.8 |
RUB | ⚊ | 4.22 |
USD | ⚊ | 387.63 |
Ռուսաստանը Հայաստանին և Ադրբեջանին կոչ է անում նվազեցնել ռազմատենչ հռետորաբանության ինտենսիվությունը, ինչպես նաև զգուշացնում է Արևմուտքի վտանգավոր դերի մասին, որն այժմ կեղտոտ խաղ է սկսում տարածաշրջանում իրավիճակը ապակայունացնելու համար, ասել է ՌԴ ԱԳՆ պաշտոնական ներկայացուցիչ Մարիա Զախարովան, գրում է РИА Новости-ն։
«Բաքվի և Երևանի միջև բոլոր տարածքային վեճերն ու փոխադարձ պահանջները պետք է լուծվեն բացառապես քաղաքական և դիվանագիտական մեթոդներով։ Կոչ ենք անում կողմերին ցուցաբերել առավելագույն զսպվածություն և նվազեցնել ռազմատենչ հռետորաբանության ինտենսիվությունը»,- ճեպազրույցի ժամանակ ասել է Զախարովան՝ մեկնաբանելով իրավիճակը տարածաշրջանում։
Նա հավելեց, որ Եվրամիության ներգրավումը հայ-ադրբեջանական երկխոսությանը միջնորդություն չէ, այլ տարածաշրջանում իրավիճակը ապակայունացնելու փորձ։
«Այնտեղ միջնորդության մասին խոսք չի գնում։ Այնտեղ խոսքը, առաջին հերթին, իրավիճակը ապակայունացնելու փորձերի մասին է։ Երկրորդ՝ իրավիճակը վերադառնում է տարածաշրջանի պատմության ամենավատ ժամանակաշրջաններին։ Հաջորդ կետը, իհարկե, տեղեկատվություն հավաքելն է ոչ թե ի նպաստ տարածաշրջանում խաղաղության, այլ տարածաշրջանի երկրների դեմ սեփական նպատակների համար»,- ընդգծել է ԱԳՆ ներկայացուցիչը։