կարևոր
1945 դիտում, 1 ամիս առաջ - 2024-04-20 10:35
Քաղաքական

Գուտերեշն Երևանին և Բաքվին կոչ է արել շարունակել սահմանազատման և սահմանագծման գործընթացը

Գուտերեշն Երևանին և Բաքվին կոչ է արել շարունակել սահմանազատման և սահմանագծման գործընթացը

ՄԱԿ-ի գլխավոր քարտուղար Անտոնիո Գուտերեշի խոսնակ Ստեֆան Դյուժարիկի փոխանցմամբ Գուտերեշն Երևանին և Բաքվին կոչ է արել շարունակել սահմանազատման և սահմանագծման գործընթացը:

«Գլխավոր քարտուղարն ուշադիր հետևում է Հայաստանի և Ադրբեջանի միջև հարաբերությունների կարգավորման գործընթացին։ Նա ողջունում է Հայաստանի եւ Ադրբեջանի սահմանազատման հարցերով հանձնաժողովների ձեռք բերած պայմանավորվածությունը և կողմերին կոչ է անում շարունակել մնացած հատվածների սահմանազատումն ու սահմանագծումը, լուծել բոլոր հարցերը` հարաբերությունների լիակատար կարգավորման հասնելու համար», - ասված է խոսնակի մեկնաբանության մեջ։

Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը: