կարևոր
1435 դիտում, 1 շաբաթ առաջ - 2024-04-02 19:26
Աշխարհ

Ահաբեկիչները փորձում էին այլատյացության և իսլամատյացության ալիք հրահրել Ռուսաստանում. Պուտին

Ահաբեկիչները փորձում էին այլատյացության և իսլամատյացության ալիք հրահրել Ռուսաստանում. Պուտին

Crocus City Hall-ի ահաբեկչության հեղինակները ցանկացել են այլատյացության և իսլամաֆոբիայի ալիք հրահրել Ռուսաստանում, ՆԳՆ կոլեգիայի ընդլայնված նիստում հայտարարել է ՌԴ նախագահ Վլադիմիր Պուտինը:

ՌԴ նախագահը երկրի ներսում պառակտումներն ու խուճապը կանխելու կոչ է արել: «Ուզում եմ ընդգծել, որ անընդունելի է վերջին ողբերգական իրադարձություններն օգտագործելը՝ ազգային անմիաբանություն, այլատյացություն, իսլամատյացություն հրահրելու համար։

Իրականում ահաբեկիչների և նրանց պատվիրատուների գլծավոր նպատակը դա էր. նախ և առաջ մեր երկրում խռովություն և խուճապ, բախումներ և ատելություն սերմանելը, Ռուսաստանը ներսից պառակտելը»,- ասել է ՌԴ նախագահը։

Պուտինը միժամանակ շեշտել է ծայրահեղականության ցանկացած դրսևորման դեմ պայքարելու անհրաժեշտության մասին, որի տարածման վրա, ի թիվս այլ երևույթների, ազդում է անօրինական ներգաղթը։

Ըստ ՌԴ նախագահի՝ նմանատիպ պայմաններում տեղի է ունենում «տարբեր տեսակի կեղծ քարոզիչների գաղափարական առաջմղում»։