Ունենք վիրավորանքի, այլատյացության աճ. Արման Թաթոյանը՝ քարոզարշավի մասին

ՄԻՊ-ը քարոզարշավի շուրջօրյա  դիտարկում է իրականացնում և այսօր արդեն կարող է արձանագրել՝ ունենք վիրավորանքի, այլատյացության աճ: Այս մասին լրագրողների հետ զրույցում ասաց ՀՀ մարդու իրավունքների պաշտպան Արման Թաթոյանը:

«Ես սա համարում եմ մտահոգիչ և կարծում եմ՝ դա ազդում է խոսքի ազատության վրա: Մեր դիտարկումները ցույց են տալիս, որ այլակարծության նկատմամբ անհանդուրժողականությունը, վիրավորանքը տարածվում է առերևույթ կեղծ օգտատերերի կողմից: Կեղծ օգտատերերի ինստիտուտը գնալով զարգանում է»,- շեշտեց նա:

Ինչ վերաբերում է խախտումներ արձանագրելուն, Արման Թաթոյանը հայտնեց, որ խախտումներ արձանագրել են և ամփոփելուց հետո հաղորդում կներկայացնեն: