28 04 2024
|
||
---|---|---|
EUR | ⚊ | 416.29 |
GBP | ⚊ | 485.57 |
GEL | ⚊ | 145.08 |
RUB | ⚊ | 4.22 |
USD | ⚊ | 388.08 |
Իրանը կտրականապես հերքում է Եվրահանձնաժողովի (ԵՀ) նախագահ Ուրսուլա ֆոն դեր Լայենի այն պնդումները, թե իբր իրանական անօդաչու թռչող սարքեր (ԱԹՍ) են մատակարարվել Ռուսաստանին՝ ուկրաինական հակամարտությունում դրանք օգտագործելու համար։ Այս մասին ասվում է Բելգիայում Իսլամական Հանրապետության դեսպանության հայտարարության մեջ։
«Իրանը կտրականապես հերքում է Ուկրաինայի պատերազմում անօդաչու թռչող սարքերի մատակարարման մասին անհիմն և քաղաքական դրդապատճառներով մեղադրանքները։ Եվրոպական կառույցների այն պաշտոնյաները, որոնք լռում են Գազայի հատվածում Իսրայելի կողմից իրականացվող ցեղասպանության վերաբերյալ, վստահության արժանի չեն»,- ասվում է դիվանագիտական առաքելության հայտարարության մեջ, որը հրապարակվել է X-ում։
Փետրվարի 28-ին ֆոն դեր Լայենը պնդել էր, որ Իրանի իշխանությունները Ռուսաստանին մատակարարում են հարձակողական անօդաչու թռչող սարքերի նմուշներ և արտադրության տեխնոլոգիաներ։