2023 թ.-ին Հայաստանից ապաստան է հայցել Թուրքիայի 9 քաղաքացի

2023 թ.-ի երկրորդ կիսամյակի ընթացքում Հայաստանից ապաստան է հայցել 370 անձ։

Ըստ ՀՀ Ազգային վիճակագրական կոմիտեի՝ ապաստան հայցողների գերակշիռ մեծամասնությունը՝ Իրաքի (103) և Ուկրաինայի (91-ը) քաղաքացիներ են։

Հայաստանից ապաստան են խնդրել նաև Իրանի 57, Եգիպտոսի 42, Ռուսաստանի 13 քաղաքացի: Հատկանշական է, որ նշված ժամանակահատվածում ՀՀ-ից ապաստան է հայցել նաև Թուրքիայի 9 քաղաքացի, նրանցից 2-ը կանայք են, 7-ը` տղամարդիկ։

Հայաստանից ապաստան են հայցել նաև Ալժիրի, Հաիթի, Մյանմարի, Մարոկկոյի, Գերմանիայի, Կիպրոսի, Թունիսի, Չինաստանի և այլ երկրների քաղաքացիներ։

Նշված ժամանակահատվածում ՀՀ-ն փախստականի կարգավիճակ է շնորհել 193 անձանց, որոնցից 94-ը Ուկրաինայի քաղաքացիներ են, 28-ը Հաիթի բնակիչներ, 17-ը՝ Իրաքի, 16-ը՝ Սիրիայի քաղաքացիներ։

Նշված ժամանակահատվածում Հայաստանում փախստականի կարգավիճակ է շնորհվել նաև Թուրքիայի 7 քաղաքացու։

Փախստականի կարգավիճակ է շնորհվել նաև Իրանի, Եգիպտոսի, Մյանմարի, Նիգերիայի, Կուբայի, Պակիստանի, Սիերա Լեոնեի քաղաքացիների։