Ավելի քան 2 հազար ուկրաինացի ապաստան է հայցել Եվրոպայից

2014թ. մարտից մայիսն ընկած ժամանակահատվածում զգալիորեն աճել է այն ուկրաինացիների թիվը, ովքեր ապաստան են հայցում Եվրամիությունում, ինչպես նաև Նորվեգիայում և Շվեյցարիայում: Նրանց թիվը գերազանցել է 2 հազարը: Այս մասին հայտնում է BBC-ն` վկայակոչելով Փախստականների հարցերով եվրոպական բյուրոյի տվյալները:

Վերջին գրեթե 20 տարվա ընթացքում ապաստան ստանալու խնդրանքով ամսական դիմում էր միջինը 100 մարդ:

Ուկրաինայից եկած դիմումատուների մեծ մասն ապաստան ստանալու խնդրանքով դիմում է առաջին անգամ:

Ընդհանուր առմամբ, 2014թ. առաջին 5 ամսում ԵՄ երկրներում ապաստան ստանալու դիմումների թիվը 19 տոկոսով աճել է` 2013թ. նույն ժամանակահատվածի համեմատ:

Շարունակում է աճել նաև սիրիացի փախստականների թիվը: