կարևոր
1621 դիտում, 3 ամիս առաջ - 2023-11-27 16:17
Հասարակություն

Տասնյակ հազարավոր մարդիկ իրենց մեքենաներին են սպասում, սա հակասահմանադրական օրենք է. ավտոներկրող

Ավտոներկրողների բողոքի ակցիաները շարունակվում են` այս անգամ արդեն ՀՀ նախագահականի նստավայրի դիմաց։

Գրություն ենք պատրասետել, որը հանձնելու ենք ՀՀ նախագահի աշխատակազմ՝ խնդրանքով, որ չստորագրի և չվավերացնի օրենքը, որն առաջին ընթերցմամբ  ընդունվել էր նոյեմբերի 14-ին: Մեր խնդրանքն է , որ այս օրենքը հապճեպ  չկիրառվի, հատկապես, դեկտեմբերի 1-ին կիրառելով բոլորս փաստի առջև ենք կանգնում…

Մեզ պարտադրում են մեր ներկրած ավտոմեքենաներից 20% եկամուտ ունենալ, որից շահույթ տանք, բայց վստահաբար՝ այս ընկերությունները 20 տոկոս եկամուտ գործարքներից չեն ունենում։ Այս մասին հայտնել է ակցիայի մասնակից Վարդան Օնանյանը։

Հիշեցնենք` դեկտեմբերի 1-ից Հայաստանում ուժի մեջ է մտնում Հարկային օրենսգրքում փոփոխությունների և լրացումների նոր փաթեթը, որը շահութահարկ է սահմանում ավտոմեքենաների ներմուծմամբ զբաղվող ընկերությունների համար, ինչը բողոքի ալիք է բարձրացրել ավտոներկրողների շրջանակում: Այս փոփոխությունները խորհրդարանն ընդունել է նոյեմբերի 16-ին: