կարևոր
2365 դիտում, 8 ամիս առաջ - 2023-11-05 14:54
Աշխարհ

Իսրայելը մխրճվել է Գազայի խորքերը․ ՀԱՄԱՍ-ը մեծ կորուստներ ունի

Իսրայելը մխրճվել է Գազայի խորքերը․ ՀԱՄԱՍ-ը մեծ կորուստներ ունի

Իսրայելի Պաշտպանության բանակը՝ ՑԱԽԱԼ-ը մոտ չորս մղոն առաջ է շարժվել դեպի Գազայի հատված՝ հյուսիս-արևմուտքից և արևելքից մինչև Գազա քաղաքից հարավ․ քաղաքն ինքը փաստացիորեն կտրված է մնացած գոտուց իսրայելական զինվորականների կողմից:

Այս մասին գրում է The Washington Post-ը՝ հղում անելով ամերիկյան Planet Labs ընկերության արբանյակային պատկերներին։

Ըստ հրապարակված պատկերի՝ ենթադրվում է, որ իսրայելական տանկերն ու զրահատեխնիկան հասել են Ալ-Շատի փախստականների ճամբարի մոտ գտնվող տարածք։
Ավելի վաղ Իսրայելի պաշտպանության բանակի ներկայացուցիչ, գեներալ Դանիել Հագարին հայտարարել էր, որ Իսրայելի հյուսիսային սահմանը լավ պատրաստված է ինչպես պաշտպանության, այնպես էլ հարձակման համար։

Նախկինում հաղորդվում էր, որ ՑԱԽԱԼ-ը նախատեսում է ծովի երկայնքով ձգվող Գազայի հատվածը երկու մասի բաժանել։ Միաժամանակ հաղորդվում է, որ գործողության ընթացքում Գազայում ոչնչացվել է ՀԱՄԱՍ-ի առնվազն 12 հրամանատար։

Հիշեցնենք, երեկ Իսրայելի բանակը 3 ժամ էր տևել անկլավի բնակիչներին՝ հյուսիսից հարավ անվտանգ տարհանվելու համար։