44-օրյա պատերազմը անտարբեր չանցավ նաև Սպիտակ քաղաքի կողքով․ քաղաքը ունեցավ 21 հերոս, ովքեր ննջում են Հերոսների պանթեոնում

44-օրյա պատերազմը անտարբեր չանցավ նաև Սպիտակ քաղաքի կողքով։ Սպիտակը 44-օրյա պատերազմում ունեցավ 21 հերոս, ովքեր ննջում են Հերոսների պանթեոնում։ ՀՅԴ ՀԵՄ Սպիտակի «Գաբրիել Ավետիսյան» խմբի նախաձեռնությամբ սեպտեմբերի 27-ին Սպիտակի կենտրոնական հրապարակից քայլերթով համաքաղաքացիները շարժվեցին դեպի հերոսների պանթեոն` հարգանքի տուրք մատուցելու հայրենիքի համար կյանք չխնայած անմահների հիշատակին։ Պանթեոնում էին նաեւ հերոսածին ծնողները։

ՀԵՄ-ականները ծաղիկներ խոնարհեցին հերոսների շիրիմներին, այնուհետեւ ներկայացան միջոցառումով, որը սկսվեց աղոթքով առ Աստված։ Իսկ ավարտին կազմակերպվել էր անվանական, որը 3 տարի առաջ սեպտեմբերի 27-ին վերջին անգամ հնչեց Պանթեոնում ննջող քաջերի համար։