Ալիևը ֆրանսիացիների հետ քննարկել է Ադրբեջանում Total Energies-ի ընդլայնումը

Ադրբեջանի նախագահ Իլհամ Ալիևն ընդունել է Ֆրանսիայի Total Energies ընկերության գլխավոր գործադիր տնօրեն Պատրիկ Պույանին։

Տեղական լրատվամիջոցների փոխանցմամբ՝ հանդիպմանը ընդգծվել է «Աբշերոն» հանքավայրում արտադրության մեկնարկը։

Զրույցի ընթացքում մտքերի փոխանակություն է տեղի ունեցել Ադրբեջանում Total Energies-ի գործունեության ընդլայնման, այդ թվում՝ «Աբշերոնի» հանքավայրի լայնածավալ զարգացման փուլին անցնելու շուրջ, արտահայտվել է նախագծերին մասնակցելու վերաբերյալ ընկերության շահագրգռվածությունը։ Քննարկվել են երկրում, այդ թվում՝ Նախիջևանում, վերականգնվող էներգետիկայի նախագծերի իրականացման հեռանկարներն ու ներուժը։