Հրապարակելու եմ 2 սկանդալային տեսանյութ. Սուրեն Մանուկյանը` կալանավայրից

ՀՅԴ Հայաստանի ԳՄ նախկին անդամ, ՀՀ ԱԺ նախկին պատգամավոր Սուրեն Մանուկյանը հայտարարություն է տարածել, որը ներկայացնում ենք ստորև.

«Հարգելի հայրենակիցներ, ինչպես տեղեկացաք մամուլից ս.թ. հուլիսի 31 ին տեղի է ունեցել իմ դատական նիստը, որի ժամանակ դատավոր Սամվել  Մարդանյանը հայտնել է ինքնաբացարկ։

Ուզում եմ տեղեկացնել, որ հաջորդ նիստը տեղի է ունենալու ս.թ. օգոստոսի 9-ին, ժամը 11:00-ին ք. Իջևանում դատավոր Նարեկ Բադալյանի նախագահությամբ։

Դատական նիստերը լինելու են բաց և հեռարձակվելու են տարբեր ԶԼՄ-ներով։ Դա պատահական չէ.  հասարակությունն   այդկերպ  հնարավորություն կունենա անմիջականորեն  տեղեկանալ դատական նիստերի ընթացքում կատարվող բացահայտումներին, իմանալ ճշմարտությունը,  որպեզի հետագայում հնարավոր չլինի կոծկել իրականությունը։

Դատական նիստի ընթացքում, ինչպես և խոստացել էի,  հրապարակելու եմ 2  սկանդալային տեսանյութ, և նիստերի ընթացքում կիմանաք նաև, որ Խաչատուր Քոքոբելյանը իր հայտնի հայտարարությամբ ոչ թե շնորհակալություն պետք է հայտներ Վ.Ղազարյանից այլ Կամո Ցուցուլյանից»։