01 05 2024
|
||
---|---|---|
EUR | ⚊ | 416.21 |
GBP | ⚊ | 486.55 |
GEL | ⚊ | 144.68 |
RUB | ⚊ | 4.16 |
USD | ⚊ | 388 |
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլարը խոսել է «Բաքու-Ստեփանակերտ/Խանքենդի իրական երկխոսության» մասին։
«Բաքու-Ստեփանակերտ/Խանքենդի իրական երկխոսությունը պետք է սկսվի բռնությանը այլընտրանք ներկայացնելու, անհրաժեշտ վստահությունը ամրապնդելու և արժանապավությունն ապահովելու նպատակով։ Եվրամիությունը անհամբեր սպասում է Բրյուսելում Հայաստանի և Ադրբեջանի առաջնորդների հետ եռակողմ հանդիպմանը»,- իր թվիթերյան միկրոբլոգում գրել է Կլարը։
Կլարը նաև որոշել է իր զգացողություններն արտահայտել Արցախի գազամատակարարման դադարեցման առիթով։
«Օրը, որ սկսվել էր խոստումով, կրկին ավարտվեց հիասթափությամբ։ Ինչպես քանիցս կրկնել է Եվրամիությունը, խիստ կարևոր է, որպեսզի էներգակիրների մատակարարումը, ինչպես նաև Լաչինի միջանցքով մարդկանց և ապրանքների տեղաշարժը վերականգնվեն առանց սահմանափակումների»,- գրել է նա։
Հատկանշական է, որ այս անգամ իր գրառման մեջ Կլարն օգտագործել է «Ստեփանակերտ/Խանքենդի» անվանումը և ոչ թե «Խանքենդի/Ստեփանակերտ», ինչպես արել էր առավոտյան։