կարևոր
7381 դիտում, 8 ամիս առաջ - 2023-06-14 15:40
Տարածաշրջան

Զանգեզուրի միջանցքը խնդիր է ոչ թե Հայաստանի, այլ Իրանի հետ. Էրդողան

Զանգեզուրի միջանցքը խնդիր է ոչ թե Հայաստանի, այլ Իրանի հետ. Էրդողան

Զանգեզուրի միջանցքի վերաբերյալ Իրանի դիրքորոշումը տխրեցնում է Թուրքիային և Ադրբեջանին, սա Հայաստանի հետ կապված խնդիր չէ. հայտարարել է Թուրքիայի նախագահ Ռեջեփ Թայիփ Էրդողանը։

«Ինչ վերաբերում է Զանգեզուրի միջանցքին, ապա դա Հայաստանի հետ կապված խնդիր չէ, Զանգեզուրի միջանցքը խնդիր է Իրանի հետ, այսինքն՝ դրանք երկու երկրներ են (Ադրբեջանն ու Իրանը), որոնց բնակչության մեծ մասը մուսուլման է։ Իրանի պահվածքն այստեղ տխրեցնում է նաև Ադրբեջանին և մեզ»,- ասել է Էրդողանը լրագրողներին ինքնաթիռում՝ վերադառնալով Ադրբեջանից։

Նա նաև հույս է հայտնել, որ բեռնափոխադրումների բարձր սակագների խնդիրը շուտափույթ լուծում կստանա։

«Եթե սրան դրական մոտենային, ապա այսօր Թուրքիա-Ադրբեջան-Իրանը կինտեգրվեին միմյանց թե՛ ավտոմոբիլային, թե՛ երկաթուղային ճանապարհով, և գուցե բացվեր Պեկին-Լոնդոն գիծը»,- ասել է Թուրքիայի նախագահը։