Գլխավոր դատախազությունը Greenpeace-ի գործունեությունը ՌԴ-ում անցանկալի է ճանաչել

Ռուսաստանի գլխավոր դատախազությունը Greenpeace-ի (Greenpeace International) գործունեությունը Ռուսաստանի Դաշնության տարածքում անցանկալի է ճանաչել։ Այս մասին ուրբաթ օրը լրագրողներին հայտնել են վերահսկող մարմնի մամուլի ծառայությունից։

«Ստացված նյութերի ուսումնասիրության արդյունքներով պարզվել է, որ «Greenpeace International» միջազգային ոչ կառավարական ոչ առևտրային կազմակերպության գործունեությունը վտանգ է ներկայացնում սահմանադրական կարգի հիմքերի և Ռուսաստանի Դաշնության անվտանգության համար»,- հայտնել են ՌԴ գլխավոր դատախազությունից։

Նրանք նշել են, որ «Ռուսաստանի Դաշնության առնչությամբ Greenpeace-ի բնապահպանական գործունեությունն փաստացիորեն ուղեկցվում է քաղաքական դիրքորոշման ակտիվ խթանմամբ, պետության ներքին գործերին միջամտելու փորձերով և ուղղված է դրա տնտեսական հիմքերը խարխլելուն», իսկ Ուկրաինայի ապառազմականացմանն ուղղված՝ Ռուսաստանի Դաշնության հատուկ ռազմական գործողության մեկնարկից «Greenpeace-ի ակտիվիստները հակառուսական քարոզչությամբ են զբաղվում, կոչ են անում հետագա տնտեսական մեկուսացման և պատժամիջոցների խստացմանը»:

Greenpeace-ը Ռուսաստանում գործում է ավելի քան 30 տարի՝ 1980-ականների վերջից։