կարևոր
2956 դիտում, 1 տարի առաջ - 2023-05-15 20:20
Քաղաքական

Վրաստանը ռուսական «Ազիմուտ» ընկերությանը մայիսի 17-ից չվերթներ իրականացնելու թույլտվություն է տվել

Վրաստանը ռուսական «Ազիմուտ» ընկերությանը մայիսի 17-ից չվերթներ իրականացնելու թույլտվություն է տվել

Վրաստանի քաղաքացիական ավիացիայի գործակալությունը ռուսական «Ազիմուտ» ավիաընկերությանը թույլտվություն է տվել մայիսի 17-ից ՌԴ-ից Վրաստան չարտերային թռիչքներ իրականացնելու համար: Այս մասին երկուշաբթի հայտնել Է Վրաստանի քաղաքացիական ավիացիայի գործակալության ղեկավար Գիվի Դավիթաշվիլին IMEDI հեռուստաալիքին տված հարցազրույցում։

«Արդեն ավարտվել է ավիաընկերություններից մեկի հայտի ուսումնասիրությունը։ Սա Azimuth Airlines-ն է, որն արդեն մայիսի 17-ից կարող է թռիչքներ իրականացնել։ Նշված թույլտվությունը տրվել է այսօր Վրաստանի քաղաքացիական ավիացիայի գործակալության կողմից: Առաջին չվերթը կիրականացվի մայիսի 17-ին: Դրանք կլինեն չարտերային թռիչքներ», - ասել է Դավիթաշվիլին։ Նա հստակեցրել է, որ «Ազիմուտ» ընկերությանը առաջին անգամ Մոսկվայից Թբիլիսի չվերթներ իրականացնելու թույլտվություն է տրվել, սակայն ավիաընկերությունները թռիչքներ են պահանջում նաև Ռուսաստանի այլ քաղաքներից: Նրանք նաև ցանկանում են թռչել ոչ միայն Վրաստանի մայրաքաղաք, այլև Բաթում և Քութաիսի։

«Ազիմուտը» Վրաստանի քաղաքացիական ավիացիայի գործակալությունից թույլտվություն է ստացել շաբաթական յոթ անգամ Մոսկվա - Թբիլիսի - Մոսկվա երթուղով չվերթներ իրականացնել: «Ազիմուտ» ավիաընկերության Մոսկվա - Թբիլիսի - Մոսկվա օդային գծով թռիչքները կիրականացվեն մայիսի 17 - ից՝ շաբաթական յոթ անգամ հաճախականությամբ», - ասված է Վրաստանի քաղաքացիական ավիացիայի գործակալության հաղորդագրության մեջ: