Վրաստանը մեղադրում է ՌԴ-ին՝ հաքերային հարձակում իրականացնելու մեջ

Ռուսաստանը կապ ունի անցյալ տարի Վրաստանի նախագահի աշխատակազմի վրա կիբերհարձակումների իրականացման հետ, լրագրողների հետ հանդիպման ժամանակ ասել է Վրաստանի Արտաքին գործերի նախարարության ներկայացուցիչ Վլադիմիր Կոնստանտինիդին:

Ըստ Yerkir.am-ի՝ այս մասին հայտնում է ՌԻԱ Նովոստին։

«2019-ի հոկտեմբերին Վրաստանում լայնամասշտաբ կիբերհարձակում իրականացվեց նախագահի աշխատակազմի, դատական համակարգի, տարբեր համայնքապետարանների, պետական, կոմերցիոն և մեդիա կազմակերպությունների վրա։ Վրաստանի, ինչպես նաև միջազգային գործընկերների կողմից իրականացված համատեղ հետաքննության արդյունքում պարզվեց, որ այդ կիբերհարձակումն իրականացվել է ռուսական զինված ուժերի գլխավոր շտաբի գլխավոր վարչության կողմից»,- հայտարարել է Կոնստանտինիդին։