«Ազիմուտ» ընկերությունը չեղարկել է թռիչքները դեպի Ադրբեջան

Ռուսական «Ազիմուտ» ավիաընկերությունը չեղարկել է Միներալնիե Վոդիի և Սոչիի օդանավակայաններից դեպի Ադրբեջան թռիչքները։ Այս մասին հայտնում է Interfax-ը։

Միներալնիե Վոդիից Բաքու և Գյանջա, ինչպես նաև Սոչիից Բաքու չվերթները չեղարկվել են՝ Ադրբեջանի ավիացիոն իշխանությունների կողմից Բաքվի և Գյանջայի օդանավակայաններից թռիչքների թույլտվության չեղարկման պատճառով։

Հիշեցնենք՝ դեկտեմբերի 25-ին Ղազախստանի Ակտաու քաղաքում վթարի էր ենթարկվել Բաքվից Գրոզնի թռչող «Ադրբեջանական ավիաուղիներ»-ի ինքնաթիռը։ Ավելի վաղ հնչել էին ինքնաթիռի կործանման այլ վարկածներ՝ թռչունների երամի հետ բախումից մինչև օդանավի վրա գտնվող բալոնի պայթյուն։ «Ադրբեջանական ավիաուղիներ»-ի ինքնաթիռում եղել է 67 մարդ, այդ թվում՝ անձնակազմի 5 անդամ։ Աղետը խլել է 38 մարդու կյանք։